Naše Predstave

Otočićići

Rodi san se u Salima na Dugin otoku.
Ka san bi mali, sedili smo mi dica okolo komina, a papa i nona pripovidali su nan lipe i strašne priče o čudnim stvorenjima.
Tako su govorili da smo mislili da oni živu blizu nas.
S tim nas je mati uvik strašila.
Nismo smili hoditi u polje blizu lokve da nas Maljik ne utopi.
Ka san malo naresa, hodi san po poljima i gorami i nabasa, kako su mi govorili na kućice o malih Peteročićov. Na gnjoju iza kuć na Ranjkovici, u govnima se valja Sliv pa san okaliva tuder pasati.
Moje ditinjstvo bilo je puno prič, pisan i veselja.
Tako san živi dupli život, svoj i njihov.
Ka san naresa čita san Tolkiena i njegovoga Gospodara prstenova i vidi puno sličnosti sa Hobitima i Orcima i svin njegovin stvorenjima.
Zato je moja radost ka san ču da Kazalište lutaka Zadar oće učiniti prestavu o njima, bila šesterostruka.
Ja san nauči te priče od mojih doma i od Saljanov Mišela Basioli i odbarbe Šime Grandovoga ki je to ka pametan čovik sve zapišiva.
Pita san se jesan li ja to dobro ču oli san sanja.
A ja san to sve ispripovida Lani Šarić.
Ante Mihić

LIKOVI:
PETEROČIĆI - mala smišna bića, ala Hobiti od Tolkiena. Ka bi navonjali ljude, postali bi zluradi, jer ljudi su in činili samo šćetu. Živili su zajno u familljicami u velikin mociramin, sa malin kamaricami i prolazima, na glavi su imali pet roščića. Bili su dobri, osin ka nanjuše ljude.
SLIV - glavna vrlina Sliva, ki je bi po jarac a po čovik je veliki, veliki smrad o govan, ki je njemu bi najbolji vonj. Ka bi se čovik približi njegovoj nastambi zriga bi nanj kabal govan.
ORKO - ka čujemo da na svitu ima neki div, odma pomislimo – siguro je strašan! Zato, kad bi puhalo jugo, ljudi bi rekli: „To je strašni Orko koji gre po mistu“. Ipak, Orko nije takov div. Najveći od svih, on je uvik dobar ka kruh i nevin ka dite. Triba među mitskim bićima bit i jedan takov.
MALJIK - „Ne hodi u polje, Maljik će te“ – strašila me mati, a znala je, bidna ne bila, da ni bi opasan; u mojoj mašti, nalik Tolkienovu Golumu.

Mitska bića postoje u mitskoj stvarnosti. Ka je u nami.

Fotogalerija